Heleb - Kedkara ciwan a çapemeniyê Rêvan Rêvan Îsmaîl Cîro, ku weke "Behar” dihate naskirin ji ber nexweşiya penceşêrê li Helebê jiyana xwe ji dest da. Rêvan di heman demê de nûçegihaniya ANF’ê jî dikir.

Kedkara çapemeniyê Rêvan Îsmaîl Cîro sala 1991 li Efrînê ji dayi bûye. Rêvan Îsmaîl di pêvajoya şoreşa azadiyê de, ji bo daxwazên gelê Kurd bi raya giştî re parve bike, xwe Nûcegîhana Ajansa Nûçeyan a Firatê (ANF) beşa Erebî, cihê xwe di nava xebatên ragihandinê de digirt.

Li kêleka xwendina xwe ya zanîngehê û tevî nexweşiya xwe ya giran jî, Behar xebatên xwe yên ragihgandinê bê navber dewam dikir. Ew bi vê helwesta xwe, Rêvan Îsmaîl di nava gelê Kurd de weke jina çalak dihat naskirin.

Kedkara çapemeniyê doh li bajarê Helebê ji ber nexweşiya xwe ya giran jiyana xwe ji dest da. Cenazeyê jina Kurd li navçeya Efrînê Mabatayê bi merasîmekê spartin axê.

Yekîtiya Regihandina Azad li Rojavayê Kurdistanê bi peyamekê ji ji malbata Rêvan Îsmaîl re sersaxî xwest.

• 1
• 2
• 3
• 4
• 5