Hauptseite » Online Spiele » Nûçe

Bi wêne: Şengal ji ber bê cadeyiyê meşiya

22.12.2012

Şengal  – Bi sedan welatiyên komelgeha Kelekçî ya girêdayî nahyeya Qesrokê ya ser bi qezaya Şengalê ji ber nebûna cadeyan a di nava komelgeha wan de xwepêşandanek lidarxistin.

Îro (22.12.2012) welatiyên komelgeha Kelekçî li dijî nebûna cadeyan a di nava komelgeha wan de meşiyan. Xwepêşanderan diyar kirin ku di nava sal û du mehan de cadeya serekî ya derbasî komelgehê dibe di nava çêkirinê de ye û heta niha temam nebûye.  

Şaredarê Kelekçê Şakir Teyîb ji dezgehên ragihandinê re diyar kir ku cade ji ber baran û werzê zivistanê nîvço maye û nikarin kar bikin. Teyîb destnîşan kir ku vê yekê peywendî bi kompaniya ku cadeyê dirûst dike ve heye û wiha got: "Karên xwe bi dirûstî nake û me rêyên yasayî li dijî wan daye dest pê kirin.”

Xwepêşanderekî bi navê M.T.R. ji Rûdawê re anî ziman ku ji ber bê serûberiya cadeyan nikarin hatûçûyê bikin û wiha got: "Ev zêdetirî salekê ye cadeyên me hatine kolandin, ev proje nayê qedandin û rewşa me ber bi xirabiyê ve diçe.”

Xwepêşandan saet 15.00’an li dergehê derbasbûna Kelekçê hat sazkirin. Welatiyan daxwaz kirin ku cadeyên wan bên dirûst dirûstkirin û xizmeta wan bê kirin.

 


 

rûdaw


Bewertung: 0.0/0
Zähler: 149 | Hinzugefügt von: AdnaN3861
Kommentare insgesamt: 0
Vorname *:
Email *:
Code *: