26.12.2012
Serêkaniyê
- Piştî şer û pevçûnên di navbera Yekîneyên Parastina Gel (YPG)û grûpên
Îslamî yên çekdar de, li bajarê Serêkaniyê yê Rojavayê Kurdistanê
rawestiya, rûniştvanên bajêr vedigerin malên xwe.
Çalakvanê
siyasî yê Rojavayê Kurdistanê yê ji bajarê Serêkaniyê Ehmed Hiso di
daxuyaniyekê de ji Rûdawê got: "Piştî rewşa Serêkaniyê aram bû,
hejmareke zêde ya rûniştvanên wê vegeriyan bajarê xwe. Heta niha
zêdetirî sedî 50’ê rûniştvanan vegeriyaneç Lê taxên di bin destê grûbên Îslamî de ne, hîn jî vala ne.”
Ehmed
Hiso ku niha li bajarê Serêkaniyê alîkariyên mirovî bi ser xelkê de
parve dike, eşkere kir ku kurdên Rojava yên li welatên biyanî 6 milyon
lîreyên Sûrî gihandine Serêkaniyê. Niha ev arîkarî bi rêya Encûmena
Niştîmaniya Kurd li Sûriyê (ENKS) li gel tê parve kirin.”
Hiso li Serêkaniyê endamê ENKS’ê ye û bang li tevayî saziyên mirovî kir ku alîkariya xelkê Serêjaniyê bikin.
Rûdaw