30.01.2013
Li herêma Koçerat a Girkê Legê Tevgera Ciwanên
Şoreşger bi armanca pîrozkirina azadkirina Girzîro ya ji aliyê Yekîneyên
Parastina Gel(YPG) û şermezarkirina komploya navneteweyî ya li dijî Rêberê Gelê
Kurd Abdulah Ocelan, silavkirina berxwedana Serêkaniyê û YPG'ê û şermezarkirina
komên çete yên ku êrîşî gelê Serêkaniyê dikin, meşeke dirêj li dar xistin.
Li Herêma Koçerat a Girkê Legê bi dehan
ciwanên herêmê dirêj ku ji aliyê Tevgera Ciwanên Şoreşger ve bi armanca pîrozkirina
Yekîneyên Parastina Gel(YPG) ji ber
azadkirina Girzîro, şermezarkirina komploya navneteweyî ya li dijî Rêberê Gelê
Kurd Abdulah Ocelan, silavkirina berxwedana Serêkaniyê û YPG'ê û şermezarkirina
komên çete yên ku êrîşî gelê Serêkaniyê dikin, meşeke dirêj li dar xistin.
Meşa
ciwana ya dirêj duh di saet 10.00’an de, ji gundê Tebikê yê herêma Koçerata
dest pê kir û li navenda Tabûryê ya Girzîro ku YPG'ê rizgar kiriye bi dawî bû.
Meşvanên ku 5 kîlometrî meşiya siloganên ku berxwedana Rêberê Gelê Kurd Abdula
Ocalan, berxwedana gel û YPG'ê li Serêkaniyê silav dikin qîriyan.
Ciwanên ku 5 kîlometriyan meşiyan li ber
deriyê Tabûra Girzîro ya ku YPG'ê ji
rêjîmê rizgar kiribû rawestiyan û li wir merasîma pêşwazîkirinê dest pê kir.
Merasîm bi deqeya rêzgirtinê dest pê kir,
piştre Endamê Tevgera Ciwanên Şoreşger Kawa Keyan axivî û berxwedana şervanên
YPG'ê ya Girzîro û li Serêkaniyê silav kir. Her wiha Keyan komên çete ku ketine
Serêkaniyê Serêkaniyê şermezar kir. Di dawiya axaftina xwe de Keyan komploya
navnetewî ya li dijî Rêberê Gelê Kurd Abdulah Ocalan şermezar kir.
Piştî Keyan, li ser navê Yekîneyên Parastina
Gel(YPG) Bîlal Rojava axivî û diyar kir ku ciwan bingehê YPG'ê danezirandine,
her wiha hemû destkeftiyên şoreşên Kurdistanê bi destê ciwanan hate bidestxistin.
Her wiha Rojava diyar kir ku rola sereke di rizgar kirina Girzîro de ya gelê
herêmê ye.
ANF