Hauptseite » Online Spiele » Kurdistan

Komên çete ceyrana Serêkaniyê qut kirin

30.01.2013

Li Serêkaniyê komên çete yên ku ji aliyê Tirkiyeyê ketine bajêr û di pevçûnan de windahiyên mezin didin, trafoyên ceyrana hilweşandin. Li bajarê ku ev 5 roje ceryan tune ye, komên çete her wiha cihên pîroz ên wekî dêr, mizgeft, dîsa cihên wekî nexweşxane û dibistan ku li gorî peymanên navnetewî ketina wan qedexe ye jî, ji xwe re kiribûn mertal û ji van deran êrîşî gel dikirin.

Komên çete ku bi alîkariya Tirkiyeyê ketin Serêkaniyê û malên gel talan kirin, her wiha êrîşî sivîlan kirin, niha jî dikevin deverên pîroz ku li gorî peymanên navnetewî ketina wan qedexe ye. Çeteyên ku li hemberî hêzên YPG’ê windahiyên mezin didin, ji bilî êrîşên li ser gel û dîlgirtina wan, çareyê di bikaranîna cihên pîroz de dibînin. Komên çete cihên wekî dêr û mizgeft, her wiha nexweşxane û dibistan ji xwe re kirin mertal û ji van deran êrîşî gel kirin. Lê piştî mudaxeleya hêzên YPG’ê neçar man ku ji van deran derkevin.

Lê pêkanînên çeteyan ên li hemberî gel li cihên ku lê mane didomin. Herî dawiyê trafoyên ceyranê ji aliyê van çeteyan ve hatin hilweşandin. Ji ber vê yekê jî ev 5 roje ceryana bajêr tune ye.

Li aliyê din piştî şer û pevçûnên dijwar, hate ragihandin ku îro li Serêkaniyê bêdengiyek heye. Di encama şerê 15 rojan de piraniya bajêr ketiye bin kontrola hêzên YPG’ê, lê komên çete jî hîn li Taxa Mehetê ya li rex sînorê Bakûrê Kurdistanê ye dimînin. Hate gotin ku, car caran pevçûn diqewimin.

ANF

Bewertung: 0.0/0
Zähler: 106 | Hinzugefügt von: AdnaN3861
Kommentare insgesamt: 0
Vorname *:
Email *:
Code *: