Hauptseite » Online Spiele » Kurdistan

Koma piştgiriya Rojava li Silêmaniyê civiya

Silêmanî - Xebatên alîkariyê yên ji bo piştgiriya bi kurdên Rojavayê Kurdistanê re berdewam dikin. Koma piştgiriya Rojavayê Kurdistanê ku xebatên xwe li Başûrê Kurdistanê dimeşîne, duh li bajarê Silêmaniyê civîneke awarte pêk anî.

Tevî rêveberên partiyên siyasî û endamên rêxistinên civaka sîvîl gelek kes tevlî civînê bûn. Di civînê de rewşa gelê Rojava û bi pêdiviyên rojane yên jiyanê hatin nirxandin.

Dîsa deriyên di navbera Başûr û Rojava de jî bû mijara civînê. Di encama civînê de biryar hate girtin ku bi awayekî lezgîn di nava çend rojan de derman û pêwîstiyên bingehîn bêne komkirin û ji bo Rojavayê Kurdistanê bêne şandin.

Bi vî rengî ambargoya li ser deriyê sînor jî di pratîkê de bê şikandin. Hate gotin ku di nava çend rojan de wê Koma Piştgiriya Rojava civineke çapemeniyê pêk çêke û de balê bikişîne ser hesasiyeta Rojavayê Kurdistanê.



ANF
Bewertung: 0.0/0
Zähler: 101 | Hinzugefügt von: MihoKurd
Kommentare insgesamt: 0
Vorname *:
Email *:
Code *: