Hauptseite » Online Spiele » Kurdistan

Heyva Sor a Kurd li Serêkaniyê dest bi xebatê kir

26.12.2012
Serêkaniyê - Heyva Sor a Kurd, piştî demek kurt li bajarê Serêkaniyê dest bi kar û xebatên xwe kir, hejmarek ji welatiyan, piştî dîtina doktoran, derman li wan hat belavkirin.

Doktorên girêdayî saziya Heyva Sor li gelek taxên bajarê Serêkaniyê geriya bûn, derman ji nexweşan re nîvisandibûn, piştre jî saziyê derman li wan belav kiribû.

Endamê Saziyê Dr. Ciwan diyar kir ku ew li nava taxan digerin û bi aparloran bangî gel dikin da ku werin û derman û tedawî werbigrin.

Dr. Ciwan di axaftina xwe de bang li saziyên navnetewî û yên mafê mirovan dike da ku li saziya wan xwedî derkeve û alîkariya wê bikin da ku ew jî karibe li gel û koçberên herêmê xwedî derkeve.

22’yê berfanbarê Nivîsgeha Ragihandinê ya Heyva Sor a Kurd bi daxuyaniyekê damezrandina xwe ragihand. Di daxuyaniyê de hate ragihandin ku ji ber şer û pevçûnên dijwar ên ku li Rojavayê Kurdistanê û Sûriyeyê hene, pêwîstiyên gel ên mirovahî zêdetir bûne û bi bîr xist ku bi deh hezaran mirov koçber bûne, wêranî û talanî li seranserê welêt beva bûye.

Di daxuyaniyê de hate destnîşankirin ku li ser welat embargoyeke dijwar heye û wiha hat gotin: "Derman nemane. Bi taybetî dermanên nexweşiyên giratn, hemû hewcedariyên jiyanî bi biha bûne, gel nikare wana bikire. Kesek nikare xwarina ku canê mirov dixwaze peyda bike. Metirsî heye ku nexweşiyên cûda belav bibin û ev yek jî bi taybet bandorê li jiyana zarokan dikin.”



26.12.2012
Bewertung: 0.0/0
Zähler: 90 | Hinzugefügt von: MihoKurd
Kommentare insgesamt: 0
Vorname *:
Email *:
Code *: